மென்மையானவரே உம் மெல்லிய சத்தத்திற்கு செவிக் கொடுக்கவில்லையே
பரிசுத்தமானவரே உம் பரிசுத்த அழைப்பில் பங்கு கொள்ளவில்லையே
மகிமையின் தேவனே என் இருதயத்தை மாசுப் படுத்தி விட்டேனே
பரிசுத்த ஆவியே உம்மை நான் துக்கப்படுத்தி விட்டேனே
மன்னவனே என் மனதை தீய பாவ ஆளுகைக்கு உட்படுத்தினேனே
பலியானவரே என் பாவச் செயலால் உம் பலியை வீணாக்கினேனே
மரித்துயிர்த்தெழுந்தவரே என் மனதை சாவானவைகளில் செலுத்திவிட்டேனே
பாதாளாமிரங்கினவரே என் மனதை கீழானவைகளுக்கு விட்டுக்கொடுத்துவிட்டேனே
மக்களுக்காய் கண்ணீர் சிந்த வேண்டிய நான் எனக்காய் அழுகிறேனே
பரிசுத்தத்திற்காக அழைக்க வேண்டிய நான் பரிசுத்தம் கெஞ்சுகிறேனே
மாசில்லாதவரே என் பாவத்தை அறிக்கையிட்டு மன்னிப்பு வேண்டுகிறேன்
பின்மாறிப் போய்விட்டேன் பின்மாரிக்காய் வேண்டுகிறேன்
மோசமாக்கப்பட்ட பூமியின் மீது அசைவாடின ஆவியானவரே
பாவ மோசத்தால் கெட்டுப்போன என் இருதயத்தின் ஆழத்தை ஆட்கொண்டுவிடும்
மனுக்குலமும் ஜீவன்களும் வாழ மீண்டும் இப் பூமியை மாற்றினவரே
பாழாய்ப் போன என் இருதயத்தை மறுரூபப்படுத்திவிடும்
முற்றிலும் இருளாயிருந்த பூமியில் வெளிச்சம் உண்டாகக்கடவது என்றவரே
பலவித சோதனைகளால் இருளாய் போன என் வாழ்வில் வெளிச்சத்தை கட்டளையிட்டுவிடும்
மாற்றப்பட்டு ஒழுங்கின்மையும் வெறுமையுமாய் காணப்பட்ட பூமியை சீர்ப்படுத்தினவரே
பரிசுத்த வாழ்வில் நிலைத்திட கனித் தந்திட நீர் நல்லது என கண்டிட சீர்ப்படுத்திவிடும்
No comments:
Post a Comment